Die dag toe ons die Museum: Museo Memoria Tolerancia besoek het (Museum of Memory and Tolerance)

Dit was vir my ‘ n dag van vele belewenisse en ‘n dag wat ek vir lank sal onthou. Daarom gaan ek meer as een keer daaroor skryf. Ek gaan begin by voor ons nog die gebou ingegaan het.

Buite die museum is daar reeds interessante kuns voorwerpe.

Op ‘n afstand was daar oopgespreide vlerke van ‘n engel, by nadere beskouing was dit ‘n versameling van verskeie dodelike wapens. Die ironie was treffend. Agter die vlerke was daar ‘n versameling van borsbeelde.

Eerstens Nelson Mandela, tweedens Mother Theresa, derdens, Reverend Martin Luther King en laastens Mahatmar Ghandi.

Hierdie museum handel in beginsel oor 2 temas naamlik:

1. Memory en
2. Tolerance

met ‘n derde tydelik gedeelte wat dikwels afgewissel word. So was dit die vorige keer oor Femicde – die doelbewustelike doodmaak van vrouens bloot omdat hulle vrouens is. Die huidige tema gaan oor LGBT, Intimiteit en seksualiteit.

Ek was baie beinduk met die wyse waarop hierdie toer vir ons gereél is. Die museum is gewoonlik gesluit vir besoekers op Maandae, maar met behulp van vriende van Liesl kon ons ‘n volledige privaat toer wat ongeveer 3 uur lank is, doen. Alles moontlik is gedoen om die toer  vir my so gemaklik moontlik te maak, soos bv. die gebruik van ‘n rolstoel.